سواسال توں مذاکرات لئی کمیٹی بنائی ہوئی مگر اسٹیبلشمنٹ نے کوئی رابطہ نہیں کیتا،پی ٹی آئی

لہور( پنجابی میڈیا)پاکستان تحریک انصاف دے مرکزی ترجمان رئوف حسن نے آکھیا اے کہ اسٹیبلشمنٹ نال گل بات لئی کل وی تیار ساں،اج وی تیار ہاں تے آئندہ وی تیار رہواں گے۔رئوف حسن دا کہنا سی کہ اسٹیبلشمنٹ نال مذاکرات لئی سوا سال توں کمیٹی بنائی ہوئی اے۔ اونہاں نے آکھیا کہ اسٹیبلشمنٹ نال گل بات لئی کل وی تیار ساں، اج وی تیار ہاں تے آئندہ وی تیار رہواں گے مگر اونہاںولوں ہُن تک کوئی رابطہ نہیں ہویا۔اونہاں دا کہنا سی کہ مسلم لیگ ن، پیپلز پارٹی تے ایم کیو ایم نے ساڈھا مینڈیٹ چرایا اے، اونہاں نال کوئی گل بات نہیں ہوئے گی،ہوراں جماعتاں نال گل بات کر سکدے ہاں، ساڈھا 6 جماعتی اتحاد ایس گل دا ثبوت اے کہ اسیں سیاسی جماعتاں نال گل بات لئی تیار ہاں۔