اسحاق ڈار نوں ڈپٹی وزیراعظم بنانا اسٹیبلشمنٹ لئی کوئی پیغام نہیں، طلال چوہدری

لہور(پنجابی میڈیا) مسلم لیگ(ن) دے رہنما طلال چوہدری دا کہنا اے کہ وزیر خارجہ سینیٹر اسحاق ڈار نوں ڈپٹی وزیراعظم بنانا اسٹیبلشمنٹ لئی کوئی پیغام نہیں۔اک ٹی وی پروگرام دوران لیگی رہنما طلال چوہدری نے آکھیا کہ اسحاق ڈار نوں ڈپٹی وزیراعظم بنانا اسٹیبلشمنٹ لئی کوئی پیغام نہیں، ساڈھی اسٹیبلشمنٹ نال کوئی دوڑ نہیں لگی ہوئی۔ خیال رہے کہ پچھلے دناں اسحاق ڈار دی بطور ڈپٹی وزیر اعظم تعیناتی دا نوٹیفکیشن جاری کردتا گیا اے، کابینہ ڈویژن ولوں جاری نوٹیفکیشن مطابق اسحاق ڈار دی بطور ڈپٹی وزیر اعظم تقرری فوری طور اُتے ہوئے گی۔اسحاق ڈار ملک دے دُوجے ڈپٹی وزیراعظم نیں، اونہاں توں پہلاںچوہدری پرویز الہی پیپلز پارٹی دور حکومت وچ ڈپٹی وزیراعظم رہ چکے نیں۔