وزیراعلی مریم نواز داچلڈرن ہسپتال دورہ، ڈے کیئر سنٹردا افتتاح

لہور(پنجابی میڈیا)وزیراعلی پنجاب مریم نواز نے چلڈرن ہسپتال وچ ڈے کیئر سنٹر دا افتتاح کردتا۔وزیراعلی پنجاب مریم نواز چلڈرن ہسپتال پہنچیاں جیتھے اونہاں نے مختلف وارڈاں دے دورے دوران ننھے بالاں نوں پیار کیتا، بالاں دی چھیتی صحت یابی لئی دعاواں تے مریض بالاں دے ماپئیاں نال ملاقات کیتی، وزیراعلی نے مریضاںنوں درپیش مسائل بارے ایم ایس نوں ہدایت جاری کیتی۔مریم نواز نے چلڈرن ہسپتال وچ نوا آئی سی یو یونٹ بنان دا اعلان وی کیتا تے اسلامک (ایڈ)یو کے تے یونیورسٹی آف چائلڈ ہیلتھ سائنسز دے وچکار کالج بلاک دے قیام لئی ایم اویو اُتے دستخط دی تقریب وچ وی رَلت کیتی، اونہاں نے چلڈرن ہسپتال آئی سی یو لئی فنڈز جاری تے چھیتی مکمل کرن دی ہدایت جاری کر دتی۔