پنجاب حکومت داکساناںتوں کنک نہ خریدن دااقدام ہائیکورٹ وچ چیلنج

لہور(پنجابی میڈیا)پنجاب حکومت ولوں کساناں نوں کنک نہ خریدن دا اقدام لہور ہائیکورٹ وچ چیلنج کر دتا گیا۔درخواست فرحت منظور چانڈیو ایڈووکیٹ نے دائر کیتی اے جس وچ چیف سیکریٹری پنجاب سنے ہوراں نوں فریق بنایا گیا اے۔درخواست وچ موقف اے کہ حکومت کساناں توں کنک سرکاری قیمت اُتے خریدن دی پابند اے تے 3900 روپے فی من کنک خریدن لئی پالیسی جاری کیتی گئی سی، حکومت نے 22 اپریل توں کساناں توں کنک خریدنی شروع کرنا سی لیکن حکومت نے اپنی پالیسی مطابق کساناں توں کنک خریدنی شروع نہیں کیتی۔درخواست گزار مطابق بارشاں پاروں کسان سستے ریٹ کنک مافیا نوں ویچن اُتے مجبور نیں، سرکاری ریٹ اُتے کنک خریدن نہ کرکے کساناں دے بنیادی حقوق پامال کیتے جا رہے نیں۔استدعا کیتی گئی کہ عدالت حکومت نوں کساناں توں کنک خریدن دا حکم دیوے تے کنک مافیا خلاف کارروائی دے حکم جاری کرے۔