مزدوراں دی محنت نال معیشت چلدی تے اشرافیہ پیسہ کماندی اے،بلاول بھٹو

کراچی (بیورورپورٹ)چیئرمین پاکستان پیپلز پارٹی بلاول بھٹو زرداری نے آکھیا اے کہ مزدوراںدی محنت نال معیشت چلدی تے اشرافیہ پیسہ کما ندی اے۔چیئرمین پاکستان پیپلز پارٹی بلاول بھٹو زرداری دا مزدوراں دے عالمی دن اُتے تقریب نال خطاب کردیاں ہویاں کہنا سی کہ شہید قائد نے ساہنوں آئین دتا۔اونہاں نے آکھیا کہ شہید بھٹونے مزدوراں نوںاونہاں دے حقوق دلوائے،مزدوراںنوںاونہاںدی محنت دا صلہ ملنا چا ہیدااے، شہید محترمہ نے مزدوراں دی جدوجہد نوںآگے ودھایا، آصف زرداری نے جنرل(ر)ضیا،مشرف دے اینٹی لیبرقنون ختم کیتے۔بلاول بھٹو داکہنا سی کہ مزدوراں دی محنت پاروںدنیا بھر دی معیشت چلدی اے، اشرافیہ مزدوراں دے خون پسینے دی محنت پاروںپیسہ کمادے نیں،پیپلزپارٹی دور وچ تنخواہواں وچ دُگنا ودھا کیتا گیا، ساہنوں فخر اے کہ صوبہ سندھ وچ مزدوراں دے حق وچ قنون سازی کیتی گئی۔