بشری بی بی نے نیب دی نویں انکوائری وچ طلبی دا نوٹس چیلنج کر دتا

اسلام آباد(بیورورپورٹ)بانی پی ٹی آئی تے بشری بی بی خلاف نیب دی نویں تحقیقات دا معاملہ اسلام آباد ہائی کورٹ پہنچ گیا۔بشری بی بی نے نیب دی نویں انکوائری وچ طلبی دا نیب دا نوٹس چیلنج کر دتا، بشری بی بی دی نیب نوٹس چیلنج کرن دی درخواست کل سماعت لئی مقرر ہو گئی۔چیف جسٹس عامر فاروق تے جسٹس طارق محمود جہانگیری کل سماعت کرن گے، بشری بی بی نے نوٹس بیرسٹر سلمان صفدر، عثمان ریاض گل تے خالد یوسف چوہدری ذریعے چیلنج کیتا۔نویں انکوائری وچ نیب نے بانی پی ٹی آئی، بشری بی بی اُتے قیمتی تحفے غیر قنونی طور اُتے فروخت کرن دا الزام لایا اے۔درخواست وچ پٹیشن دے فیصلے تک نیب کال اپ نوٹس معطل کرن دی استدعا کیتی گئی اے، بانی پی ٹی آئی نوں16 اپریل نوں نیب راولپنڈی وچ بلایا گیا سی۔