اسیں قائداعظم دا اسرائیل مخالف نظریہ سمجھیا ہی نہیں اے،مولانا فضل الرحمان

لہور(پنجابی میڈیا)جمعیت علمائے اسلام دے سربراہ مولانا فضل الرحمان نے حکومتی پالیسیاں اُتے تنقید کر دیاں ہویاں آکھیا اے کہ اسرائیل ناں دا دنیا وچ کوئی خطہ نہیں اے لیکن ایس نوں تسلیم کرن دی گلاں ہو رہیاں نیں، اسیں قائد اعظم دا اسرائیل مخالف نظریہ سمجھیا ہی نہیں اے۔لہور وچ قومی فلسطین کانفرنس نال خطاب کر دیاں ہویاں مولانا فضل الرحمان نے کانفرنس وچ رََلت فلسطینی راہنماواں نال عربی زبان وچ یکجتہی دا اظہارکیتا تے آکھیا کہ کَدی کہندے او کہ اسرائیل نوںتسلیم کرلین۔اونہاں نے آکھیا کہ خطہ اسرائیل دا ناں تریخ وچ نہیں ملدا، یہودیاں نوں اک سازش تحت برطانیہ دی سرپرستی وچ آباد کیتا گیا، پاکستان نہیں بنیا سی کہ اسرائیل دے قیام دی قرارداد منظور ہوئی سی۔مولانا فضل الرحمان نے آکھیا کہ اسیں قائد اعظم دے اسرائیل مخالف نظریہ نوں وی نہیں سمجھیا، اسیں نظریہ پاکستان نال وی بے وفائی کیتی، حیرت ایس گل اُتے اے جس دا حدود اربعہ ہی نہیں اوس نوں تسلیم کرن دیاں گلاں کیتیاں جارہیاں نیں۔