ویلے دا تقاضا اے کہ امیر تے غریب دے فرق نوں گھٹ کیتا جائے،وزیراعظم

لہور(پنجابی میڈیا)وزیراعظم شہبازشریف نے آکھیا اے کہ محنت کش ساڈھے ساریاں لئی سرمایہ حیات نیں، ویلے دا تقاضا اے کہ امیر و غریب دے فرق نوں گھٹ کیتا جائے۔لہور وچ وزیراعظم شہبازشریف نے اپنی رہائشگاہ اُتے عالمی یوم مزدور بارے منعقدہ تقریب نال خطاب کر دیاں ہویاں آکھیا کہ اج میں دلوںتہانوںساریاں نوںاپنے گھر بلایا اے، اج تُسی کسی سرکاری گھر وچ نہیں ، تُسی شریف خاندان دے گھر موجود او تے مینوں دلی خوشی ہورہی اے کہ مینوں تہاڈی مہمان نوازی دا موقع ملیا۔اونہاں نے آکھیا کہ اج واقعی بندہ مزدور دے اوقات بہت سخت تے زندگی غریب آدمی اُتے بوہت تنگ اے، مہنگائی نے ہر زندگی نوں متاثرکیتا اے، محنت دے باوجود عام آدمی بالاں دی تعلیم،صحت دے خرچے بڑی مشکل نال برداشت کردا اے، ڈیزل تے تیل دی قیمت اج فیر گھٹ ہوئی اے۔وزیراعظم نے آکھیا کہ نبی کریم ﷺ نے وی محنت دی عظمت بیان کیتی اے، آپﷺ نے فرمایا کہ مزدوردا پسینہ خشک ہون توں پہلاں اوس دی مزدوری دے دیو ۔