فیلڈ ہسپتال پراجیکٹ داافتتاح:میرا تے نوازشریف داخواب پوراہو گیا،وزیراعلی پنجاب

لہور(پنجابی میڈیا)وزیراعلی پنجاب مریم نواز نے فیلڈ ہسپتال پراجیکٹ دا افتتاح کردتا۔فیلڈ ہسپتالاں دے پراجیکٹ دی افتتاحی تقریب نال خطاب کر دیاں ہویاں وزیراعلی پنجاب مریم نوازدا کہنا سی کہ فیلڈ ہسپتالاں دا منصوبہ کامیاب بنان والیاں نوں خراج تحسین پیش کر دی ہاں، میں تے نواز شریف نے اک خواب ویکھیا سی کہ لوکاں نوں صحت دیاں سہولتاں گھر دے بوہے اُتے میسر ہوئے اج اوہ خواب پوراہوگیا۔اونہاں نے آکھیا کہ6ہفتیاں وچ چاراں پاسے فیلڈ ہسپتال کھڑے کردتے، فیلڈ ہسپتال دیہاتی علاقیاںوچ وی پہنچاں گے،فیلڈ ہسپتال اوتھے سہولت فراہم کراں گے جیتھے کوئی ہسپتال نہیں،فیلڈہسپتال وچ عوام نوںطبی سہولتاں میسر ہون گیاں۔وزیراعلی پنجاب دا کہنا سی کہ فیلڈ ہسپتالاں وچ او پی ڈی، حفاظتی ٹیکہ جات تے زچہ بچہ دیاں سہولتاں میسر ہون گیاں، فیلڈ ہسپتال وچ لیڈی ہیلتھ ورکر وی ہون گی، ایمرجنسی دی صورت وچ سرجری دی سہولت وی دستیاب ہوئے گی۔