مزدوراں دا معیار زندگی اُچی کرن لئی پرعزم ہاں،مریم نواز

لہور(پنجابی میڈیا)وزیراعلی پنجاب مریم نواز نے محنت کشاں دے عالمی دن اُتے مزدوراںنوں خراج تحسین پیش کیتا اے۔عالمی یوم مزدور اُتے اپنے خصوصی پیغام وچ وزیراعلی پنجاب مریم نواز دا کہنا سی کہ عالمی یوم مزدور اُتے دنیا بھر دے محنت کشاں نوں سلام پیش کر دی ہاں، محنت کش اللہ دے دوست نیں، اللہ دے دوستاںنوں سلام، دین اسلام نے کسب حلال لئی محنت نوں عظمت دا درجہ تے محنت کش دی عزت داشعور دتا۔اونہاں نے آکھیا کہ محنت کرکے خاندان دا سہارا بنن والی کارکن عورتاں نوں خصوصا خراج تحسین پیش کردی ہاں، محنت کشاں دے حقوق دے شعور دی بیداری اُتے شکاگو دے شہیداں دی جدوجہد نوں سلام پیش کر دے ہاں، مزدور صنعت وحرفت دے ستارے نیں تے ہر محنت کش، ہر مزدور ہر کارکن حقیقی ہیرو اے۔