کنک نوں لے کے پنجاب حکومت تے کساناں وچ معاملات طے نا ہوسکے،کساناں دا کل احتجاج دااعلان

لہور(پنجابی میڈیا)کنکدی خریداری اُتے پنجاب حکومت تے کساناں دے وچکار معاملات طے نہ پاسکے۔صوبائی محکمہ خوراک دے ذرائع دا کہنا اے کہ چھوٹے کساناں نوں کسان کارڈ ذریعے کجھ دن بعد امداد دین دا سلسلہ شروع کیتا جائے گا جَد کہ فلور ملز سیڈ ملز تے آڑھتیاں نے مارکیٹ دا رخ کر لیا اے۔ دُوجے پاسے پاکستان کسان اتحاد نے حکومت دی بے حسی خلاف کل توں ساریاں ضلعیاں وچ مظاہریاں دا اعلان کیتا اے تے کساناں دا کہنا اے کہ اپنے مویشی تے کنک سڑکاں اُتے رکھ کے احتجاج کرن گے۔ پاکستان کسان اتحاد دے رہنماواں نے آکھیا کہ کساناں نوں مارکیٹ دے رحم و کرم اُتے چھڈ دتا گیااے۔