نجم سیٹھی دا ایف آئی اے دے پی سی بی دی خاتون عہدیدار دے نال نامناسب رویے اُتے اظہار افسوس

لہور(پنجابی میڈیا)سابق چیئرمین پاکستان کرکٹ بورڈ (پی سی بی)نجم سیٹھی نے وفاقی تحقیقاتی ادارے(ایف آئی اے) ولوںپی سی بی اُتے چھاپے دوران اسٹاف نال بدتمیزی دے معاملے اُتے اظہار افسوس کردتا اے۔نجم سیٹھی دا کہنا سی کہ ایف آئی اے حکام پی سی بی ٹکٹنگ ہیڈ مہوش نوں نال لے گئے، مہوش نے پہلاں پی ایس ایل، فیر بطور ٹکٹنگ ہیڈ پاکستان کرکٹ لئی اہم کم کیتا اے،اونہاں دا کہنا سی کہ پی ایس ایل وچ60کروڑدے ٹکٹ فروخت ہوئے لیکن مہوش اُتے80ہزار دی کرپشن دا الزام اے، پی سی بی دی اک پروفیشنل دے نال ایس طرح دا رویہ قابل افسوس اے۔ایف آئی اے نے کرکٹ سیریز دے ٹکٹاں دی فروخت وچ بے ضابطگیاں اُتے تحقیقات شروع کردتی نجم سیٹھی نے مطالبہ کیتا کہ چیئرمین پی سی بی معاملے دی تحقیقات کرن تے اپنے آفیشلز دے نال انصاف کرن۔