پی آئی اے دی نجکاری وچ غیر ملکی کمپنیاں دی گھٹ دلچسپی

کراچی(بیورورپورٹ) پی آئی اے دی نجکاری بولی وچ غیر ملکی کمپنیاں نے گھٹ دلچسپی ظاہر کیتی، خلیجی ملکاں دی صرف 2کمپنیاں نے رجوع کیتا۔ذرائع مطابق خلیجی ملکاں دی صرف2کمپنیاں نے سرمایہ کاری لئی پنج ہزار ڈالرز جمع کراکے کاغذات حاصل کیتے تے مذکورہ کمپنیاں ولوں ٹینڈرز لئی درخواستاں تاحال جمع نہیں کرائی جاسکیاں۔ذرائع نجکاری کمیشن مطابق پی آئی اے دی نجکاری بارے ٹینڈرزدی درخواست جمع کران دی آخری تریخ 3مئی اے لیکن پی آئی اے دی نجکاری بارے ٹینڈرز وچ ہور 1مہینے دی توسیع دا امکان کیتا اے۔ذرائع دا کہنا اے کہ پی آئی اے دی نجکاری بارے مالیاتی مشیر سنے نجکاری دے افسر بیرون ملک توں سرمایہ حاصل کرن لئی ناواقف نیں، باہر دے ملک دے سرمایہ کاراں دے ایس عمل توں دور عدم دلچسپی ایس گل دی غمازی اے کہ اجے تک باہر دے ملک دے سرمایہ کاراں دے پیغام وی نہیں پہنچ پائے۔