سی پیک منصوبیاں نال معاشی ترقی دے نویں دور دا آغاز ہووے گا: عاصم سلیم باجوہ

ٹیکسلا: عاصم سلیم باجوہ آکھیا اے ایچ ایم سی وچ نویں سرمایہ کاری کیتی جا رہی اے، معاہدے نال صنعتاں نوں فروغ ملے گا، سی پیک منصوبیاں نال معاشی ترقی دے نویں دور دا آغاز ہووے گا، پراجیکٹس پاکستانی عوام نوں ترقی دے مواقع فراہم کرن گے۔ چیئرمین سی پیک اتھارٹی عاصم سلیم باجوہ نے چین دی 6کمپنیاں دے نال معاہدیاں دی تقریب نال خطاب کردیاں آکھیا سی پیک ٹو دے تحت نویں ریلوے ٹریک بنائے جان گے، حویلیاں وچ ڈرائی پورٹ بنایا جائے گا، سارے ریلوے ٹریکس نوں بدلیا جائے گا، اقدامات نال ریلوے منافع بخش ادارہ بنے گا، چین پاکستان وچ سرمایہ کاری وچ دلچسپی لے رہیا اے، پاکستان وچ سرمایہ کاری نال دوواں ملکاں نوں فیدہ ہووے گا، سی پیک دوواں ملکاں دے برادرانہ تعلقات دا عکاس اے۔ عاصم سلیم باجوہ دا کہنا سی ، سی پیک منصوبیاں دے تحت صوبیاں وچ خصوصی اکنامک زونز بنائے جان گے، اقدامات نال معیشت نوں فروغ ملے گا، روزگار پیدا ہووے گا، زرعی مشینری ملک وچ بنائی جائے گی جہڑی اسیں باہر توں منگوانے آں، سی پیک اک حقیقت بن دا جا رہیا اے، 8انرجی منصوبے پورے ہو چکے، اقدامات نال قرضیاں تے انحصار گھٹ ہووے گا، فیز ٹو وچ ریلوے دے بنیادی ڈھانچے نوں ترقی دتی جائے گی۔