جنوبی ایشیا وچ امن دا واحد راہ تنازع کشمیر دا منصفانہ حل اے: منیر اکرم

نیویارک: اقوام متحدہ وچ پاکستان دے مستقل مندوب منیر اکرم آکھیا اے بھارت دے اقوام متحدہ دی سلامتی کونسل دے بطور غیر مستقل رکن انتخاب نال کشمیر دے تنازع دی حیثیت تے کسے قسم دا کوئی فرق نہیں پوے گا۔ منیر اکرم نے سرکاری میڈیا نال گل کردیاں آکھیا تنازع کشمیر پندرہ رکنی ادارے دے ایجنڈے تے برقرار اے جہنوں اوہدی قرارداداں دے مطابق حل کرن دی لوڑ اے۔ اوہناں آکھیا عالمی برادری نوں بھارتی بیانیے دے فریب وچ نہیں آنا چاہیدا۔ بھارت نال خطے دے امن تے سلامتی نوں شدید خطرات لاحق نیں۔ منیر اکرم نے کشمیر بارے سلامتی کونسل دے حالیہ اجلاساں دا ذکر کردیاں آکھیا ایس معاملے تے ڈونگھی نظر اے تے تنازع کشمیر دا منصفانہ حل ای جنوبی ایشیا وچ امن دا واحد راہ اے۔