وزیراعظم نال بابر اعوان دی ملاقات، پارٹی فنڈنگ کیس تے تبادلہ خیال

اسلام آباد: وزیراعظم عمران خان نال تحریک انصاف دے رہنما بابر اعوان نے بنی گالہ وچ ملاقات کیتی جہدے وچ الیکشن کمیشن وچ زیر سماعت پارٹی فنڈنگ کیس تے تبادلہ خیال کیتا گیا۔ وزیراعظم دا کہنا اے دیس وچ معاشی عدم استحکام دیاں کوششاں نکام ہو رہیاں نیں، ملکی خزانہ لٹن والیاں نوں معاف نہیں کیتا جاوے گا۔ رول آف لاء تے سمجھوتہ ہووے گا تے نہ کرپٹ مافیا نوں رعایت ملے گی۔ملاقات مگروں بابر اعوان نے اپنے بیان وچ آکھیا تحریک انصاف تے فارن فنڈنگ نہیں، ممنوعہ فنڈنگ دا جھوٹھا الزام اے۔ پی ٹی آئی دے سارے اکاؤنٹس آڈٹ شدہ نیں۔

ممنوعہ فنڈنگ دا واویلا کرن والے بے نامی اکاؤنٹس تے منی لانڈرنگ دا حساب دین نیں۔ ایس توں علاوہ وزیراعظم نال وفاقی وزیر محبوب سلطان، رکن اسمبلی نصر اللہ گھمن تے خرم شہزاد نے وی ملاقات کیتی۔ ایس موقع تے وزیراعظم عمران خان نے عالمی بینک ولوں بجٹ سپورٹ بحال کرن دا خیر مقدم کردیاں آکھیا احتساب دا عمل جاری رہیا تے اداریاں دا اعتماد ہور بحال ہووے گا۔ اودھروسیلیاں دے مطابق وزیراعظم عمران خان نے اتوار نوں کور کمیٹی اجلاس بلا لیا اے۔ سارے کور کمیٹی ممبراں نوں اجلاس وچ رلت یقینی بنان دی ہدایت کر دتی گئی اے۔