چین وچ کورونا پاروں کھیڈاں دے سارے مقابلے منسوح کر دتے گئے

بیجنگ: چین نے کورونا وائرس دی وباء دی وجہ نال ایس سال ملک اندر ہوون والے سب کھیڈاں دے مقابلے منسوح کر دتے ،صرف بیجنگ ونٹراولمپکس 2022ء ٹرائلز دا انعقاد کیتا جائے گا ۔ غیر ملکی خبر رساں ادارے دے مطابق چین نے اک نوٹیفکیشن وچ باہر دے ملک وچ رہن والے اپنے کھیڈرایاں تے کوچز نوں ہدایت کیتی کہ اوہناں نوں جلدی نال ملک واپس آون دی کوئی ضرورت نہیں ۔تاہم اگر اوہ واپس آہندے نیں تے اوہناں نوں حفاظتی تدبیراں اُتے سختی نال عمل کرنا پئے گا ۔ایس علامیے وچ ساری انتظامیہ نوںہدایت کیتی اے کہ اوہ باہر دے ملک توں ریفری نوں ناں بلاون ۔ خیال رہیے کہ کورونا وائرس دی وجہ نال ہن تک اولمپکس ، مبلڈن ٹینس، آئی پی ایل تے پی ایس ایل دے سمیی فائنل تے فائنل سمیت کئی عالمی مقابلے یاتے ملتوی ہو جاون گے یا فیر منسوح کیتے جاون گیتے کئی ایسے ایونٹس نیں جس اُتے خطرے دے بادل چھائے ہوئے نیں ۔