بلاول بھٹو تے شہباز شریف دا یوم شہدائے کشمیر اُتے اہم پیغام

لہور:چیئرمین پیپلز پارٹی بلاول بھٹو نے آکھیا اے کہ مودی چاہے جو مرضی کر لیے ، کشمیریاں دی فتح نوشتہ دیوار اے ، مستقبل وچ بھارت دی شکست یقینی اے ، شہیداں دی دتی ہوئی اذان دی باز گشت توں بھارتی حکمران لرز رہے نیں ۔قائد حزب اختلاف شہباز شریف نے شہداں نوں خراج عقیدت پیش کر دیاں ہوئیاں آکھیا کہ بھارت غلط فہمی وچ نہ رہیے ، مقبوضہ کشمیر مسلم اکثریتی خطہ اے تے انشاء اللہ ہمیشہ رہیے گا۔شہباز شریف نے اپنے ٹوئیٹ اندرآکھیا کہ سری نگر سینٹرل جیل دے باہر جام شہادت نوش کرن والیاں دا نام تریخ وچ سنہری حروف اندر لکھیا جائے گا ، 22مسلماناں دی جان قربان کر کے اذان مکمل کرنا واضح پیغام اے کہ اوہناں نوں شکست نہیں دتی جا سکدی ۔اوہناں ہو ر آکھیا کہ بھارت دے ظلم و جبر تے استبداد وچ5اگست2019 ء توں نویں شدت آئی اے ، عالمی برادری ، اقوام متحدہ تے سلامتی کونسل توں کشمیری پچھ رہیے نیں کہ اوہناں نوں انصاف کدوں ملے گا ۔