ارشد پپو قتل کیس، عزیر بلوچ اپنے اعترافی بیان توں مُکر گیا

کراچی: لیاری گینگ وار دا سرغنہ عزیر بلوچ انسداد دہشت گردی عدالت وچ ارشد پپو قتل کیس دی سنوائی دے دوران اپنے اقبالی بیان توں مُکر گیا۔ کراچی دی انسداد دہشت گردی عدالت وچ ارشد پپو قتل کیس دی سماعت ہوئی، رینجرز پراسیکیوٹر نے عزیر بلوچ دا اعترافی بیان کیس دا حصہ بنان دی استدعا کیتی جہدے تے عدالت نے عزیر بلوچ توں استفسار کیتا کیہ تہاڈے اعترافی بیان دی کاپی کیس دا حصہ بنا دیئے؟ عدالتی استفسار تے عزیر بلوچ آکھیا میرا کوئی اعترافی بیان ریکارڈ نہیں ہویا۔ فاضل جج نے عزیر بلوچ نال مکالمے دے دوران آکھیا تہاڈا جج دے ساہمنے اعترافی بیان ریکارڈ ہویا اے جہدے تے تہاڈے دستخط وی موجود نیں۔ ایس کیس دے ٹرائل توں وی مُکر جاؤ گے کوئی ٹرائفل نہیں ہویا۔ عدالت نے یاسر پٹھان، ثاقب باکسر، جواد لنگڑا، حمید عرف لالا اورنگی، شاہد مکس پتی، شیراز کامریڈ، زاہد لاڈلا، آصف مٹھل، فیصل پٹھا، استاد تاجو تے شبیر احمد نوں اشتہاری قرار دے دتا۔ عدالت نے 25جولائی نوں پلس مقابلے وچ ہلاک بابا لاڈلا بارے رپورٹ طلب کر لئی، ملزمان تے اگلی سماعت تے ترمیمی فرد جرم لاگو کیتی جائے گی۔