کورونا ٹھنڈا پے گیا ،1ہزار نویںمریض ساہمنے تے50مریض اللہ نوں پیارے ہو گئے

لہور: کورونا دا زور ٹوٹن لگ پیا۔ مریضاں وچ نمایاں کمی، پاکستان اندر کورونا دے تصدیق شدہ مریض 2 لکھ53ہزار ہو گئی جد کہ اک دن وچ 50مریض اللہ نوں پیارے ہو گئے جس توں بعد موتاں دی تعداد5ہزار 320ہو گئی۔نیشنل کمانڈ اینڈ آپریشن سینٹر دے تازہ ترین اعداد وشمار دے مطابق 24گھنٹے دے دوران 1ہزار 979نوئے مریض ساہمنے آئے ،پنجاب اندر87ہزار492، سندھ وچ1لکھ6ہزار، خیبر پختونخوا اندر30ہزار747، بلوچستان وچ11ہزار192، گلگت بلتستان اندر1ہزار694، اسلام آباد وچ14ہزار202جد کہ آزاد کشمیر وچ1ہزار 655مریض ساہمنے آئے ۔ملک وچ ہن تک 16لکھ 6ہزار 190مریضاں دے ٹیسٹ کیتے جا چکے نیں ، پچھلے24گھنٹے دے دوران 21ہزار20نوے ٹیسٹ کیے، ہن تک 1لکھ 70ہزار مریض صحتیاب ہو چکے نیں ۔ جد کہ2ہزار مریضاں دی حالت تشویش ناک اے ۔پاکستان اندر کورونا پاروں اک دن وچ50مریض اللہ نوں پیارے ہو گئے ، جس توں بعد مرن والیاں دی تعداد 5ہزار320ہو گئی،پنجاب اندر2ہزار26، سندھ وچ 1ہزار 826، خیبر پختونخوا وچ1ہزار106، اسلام آباد وچ155، بلوچستان وچ126، گلگت بلتستان وچ36تے آزاد کشمیر وچ45مریض جان توں ہتھ دھو بیٹھے۔