وقار یونس دی موجودگی وچ ودھ توں ودھ سکھن دی کوشش کراں گے: نسیم شاہ

لہور: پاکستانی کرکٹ ٹیم دے نوجوان فاسٹ باؤلر نسیم شاہ دا کہنا اے باؤلنگ کوچ وقار یونس دی موجودگی وچ ودھ توں ودھ سکھن دی کوشش کراں گے۔ تفصیلات دے مطابق انگلینڈ دے خلاف سیریز توں پہلاں قومی ٹیم دے کھڈاری پریکٹس میچاں وچ مصروف نیں اگلے مہینے ہون والی سیریز توں پہلاں قومی ٹیم دے کھڈاری اک دوجے توں سبقت حاصل کرن لئی تگ و دو کر رہے نیں۔ ایسے دوران قومی ٹیم دے فاسٹ باؤلر نسیم شاہ دا کہنا اے انگلینڈ دا پہلا دورہ اے۔ کوشش اے فٹنس تے کم کرکے تناں فارمیٹ وچ ملک دی نمائندگی کراں۔ باؤلنگ کوچ دے حوالے نال فاسٹ باؤلر دا کہنا سی وقار یونس دی موجودگی وچ ودھ توں ودھ سکھن دی کوشش کراں گے۔