امید اے عوام عید الاضحی تے ایس او پیز دا خیال رکھن گے: چیئرمین این ڈی ایم اے

کوئٹہ: چیئرمین این ڈی ایم اے لیفٹیننٹ جنرل افضل دا کہنا اے ڈاکٹر تے طبی عملہ کورونا دے خلاف ساڈے صف اول سپاہی نیں، ہسپتالاں وچ حفاظتی سامان دی فراہمی یقینی بنا رہے آں، آس اے عوام عید الاضحی تے کورونا توں بچاؤ لئی ایس او پیز تے عملدرآمد کرن گے۔لیفٹیننٹ جنرل افضل نے میڈیا نال گل کردیاں آکھیا بلوچستان دے ہسپتالاں وچ اضافی بستر تے ہور سہولتاں فراہم کر رہے آں، انسداد کورونا لئی گھٹ ویلے وچ بہترین سہولتاں فراہم کیتیاں۔ ہسپتالاں دی استعداد کار وچ وادھا کیتا گیا۔ اوہناں آکھیا ٹڈی دل دے خاتمے لئی سارے وسائل بروئے کار لیا رہے آں، مویشی منڈیاں وچ ایس او پیز تے عملدرآمد یقینی بنانا ہووے گا۔