غیر ملکی ایئر لائنز نے پاکستانی مسافراں لئی کورونا نہ ہوون دی رپورٹ لازمی قرار دتی

اسلام آباد: قطر ، اتحاد ، امارات دی ائیر لائنز نے پاکستانی مسافراں لئی ایڈوائزی جاری کر دتی ۔ غیر ملکی ایئر لائنز ولوں پاکستانی مسافراں لئی نئی ایڈوائزری جاری کردتی گئی جس اندر باہر دے ملک جاون والے مسافراں لئی کورونا نہ ہون دی رپورٹ لازمی قرار دتی گئی تے مسافراں نوں 4دن پہلاں کورونا ٹیسٹ کروانا پئے گا۔غیر ملکی ایئر لائنز قطر ایئروویز، اتحاد ائیر لائنز تے امارات ائیر لائنز دی انتظامیہ نے آکھیا کہ باہر دے ملک جاون دے خواہشمند مسافر کورونا ٹیسٹ قطر ، اتحاد، امارات ایئر لائنز دی منظور شدہ لیبارٹری توں کروا سکدا اے تے منظوری شدہ لیبارٹری دی تفصیلات ایئر لائنز دے دفتروں ، ٹریول ایجنٹس توں پتہ کیتی جا سکدی اے جد کہ منظور شدہ لیبارٹریز دی لسٹ ایئر لائنز دی ویب سائٹ اُتے موجود اے ۔