پیپلز پارٹی نے سندھ دا بیڑہ غرق کر دتا اے ، ایہ بوہت وڈے چور نیں: محمود خان

پشاور : وزیر اعلیٰ خیبر پختون خواہ محمود خان نے آکھیا کہ پیپلز پارٹی نوں شرم آنی چاہیدی اے اوس نے سندھ دا بیڑہ غرق کر کے رکھ دتا ، وزیر اعلیٰ خیبر پختون خواہ محمود خان نے جلوئی اکنامک زون دی افتتاحی تقریب وچ آکھیا کہ سانوں دسو کہ سندھ دی15سالہ حکومت اندر کی کیتا؟ سندھ حکومت کوئی اک منصوبہ دسے جس وچ کرپشن نہ ہوئی ہووئے ، اوہناں دی گندم چوہے کھا جاندے تے بوریاں وچ مٹی نکلدی اے ۔وزیر اعلیٰ خیبر پختون خواہ محمود خان نے آکھیا کہ جلوزئی اکنامک زون دے منصوبے نال صوبہ ترقی دی راہ اُتے گامزن ہوئیا ، ہن صنعتی ترقی نہیں رُکے گی ، اگے ودھاں گے ، جد دی حکومت سنبھالی اے بوہت وڈے وڈے چیلنجاں دا ساہمنا کرنا پیا اے ، ہائیڈل پروجیکٹ توں ملن والی بجلی نوں صنعتکاراں نوں دیاں گے ، صوبے اندر سرمایہ کاری دا راہ کھلے گی ، کورونانال لڑنا تے ترقی دا سفر وی جاری رکھنا اے ۔