سمارٹ لاک ڈائون :موتاں گھٹ گئیاں

اسلام آباد؛ لاک ڈائون دے مثبت اثرات ساہمنے آون لگ گئے جس توں موتاں گھٹ گئیاں تے 40مریض اللہ نوں پیارے ہو گئے جد کہ مریضاں دی تعداد2لکھ 57ہزار914ہو گئی ۔نیشنل کمانڈ اینڈ آپریشن سینٹر دی تازہ رپورٹ دے مطا بق 24گھنٹے دے دوران2ہزار 145نویں مریض ساہمنے آئے ،پنجاب و چ 88 ہزار 539، سندھ وچ 1لکھ 8 ہزار 913، خیبر پختونخوا وچ31 ہزار 217، بلوچستان وچ11ہزار 322، گلگت بلتستان وچ 1ہزار 750، اسلام آبادوچ14ہزار 402 جد کہ آزاد کشمیر وچ 1ہزار 771 مریض ساہمنے آئے ،پورے ملک وچ ہن تک 16 لکھ 52 ہزار 183 مریضاں دے ٹیسٹ کیتے گئے، پچھلے 24 گھنٹے دے دوران 24 ہزار 262 نویں ٹیسٹ کیتے گئے، ہن تک 1لکھ78 ہزار 737 مریض صحتیاب ہوچکے نیں جد کہ 1ہزار 942 مریضاں دی حالت تشویش ناک اے ۔پاکستان وچ کورونا پاروں1دن اندر 40 مریض اللہ نوں پیارے ہو گئے جس توں بعد وائرس نال مرن والیاں دی تعداد 5 ہزار 426 ہوگئی۔ پنجاب وچ 2 ہزار 51، سندھ وچ1ہزار 888، خیبر پختونخو١وچ1 ہزار 120، اسلام آباد وچ 156، بلوچستان وچ 127، گلگت بلتستان وچ38 تے آزاد کشمیر وچ46 مریض جان سے توں ہتھ دھو بیٹھے۔