پیٹرول نہ دیون تے گاہک نے آفس وچ سَپ چھڈ دتا

نئی دہلی: بھارت وچ اک بندے نوں بوتل وچ پیٹرول نہ ملن اُتے پمپ مالک توں انوکھا انتقام لیا کہ اوس دے دفتر وچ سَپ چھڈ دتا۔میڈیا دے مطابق بھارتی ریاست مہاراشٹر وچ اک شخص نوں بوتل وچ پیٹرول نہ ملن اُتے غصہ آگیا تے پمپ مالک دے دفتر وچ سَپ چھڈ دتا جس دی ویڈیو سوشل میڈیا اُتے وی وائرل ہو گئی ۔ویڈیو وچ ویکھیا جا سکدا اے کہ بوتل وچ پیٹرول نہ ملن تے مذ کورہ شخص نے پیٹرول پمپ مالک دے دفتر اندر جا کہ اپنے تھیلے وچوں سَپ کڈ کے دفتر وچ چھڈ دتا ، سوشل میڈیا صارفین نے اوس دی ایہ حرکت نوں شدید تنقید دا نشانہ بنایا اے ۔