حکومت دا کلبھوشن یادیو لئی قانونی نمائندہ بناون لئی اسلام آباد ہائیکورٹ نال رجوع

اسلام آباد: حکومت نے کلبھوشن یادیو دی سزا دے کیخلاف اپیل دے معاملے اُٹے اسلام آبادا ہائیکورٹ نال رجوع کر لیا ۔حکومت نے اسدعا کیتی کہ اپیل دائر کرن لئی عدالت عالیہ بھارتی جاسوس لئی قانونی نمائندہ مقرر کرے ۔اسلام آناد ہائیکورٹ وچ درخواست اندر لکھیا گیا اے کہ عالمی انصاف دے فیصلے دی روشنی وچ حکومت پاکستان نے 20مئی نوں آرڈیننس جای کیتا جس وچ کلبھوشن یادیو دی سزا دے خلاف اپیل لئی3آپشننز رکھے گئے ، کلبھوشن ولوں اپیل توں انکار تے بھارت ولوں گریز توں بعد قانونی نمائندے دے ذریعے اپیل دائر کرن دا آپشن بچیا ۔درخواست وچ آکھیا کہ کلبھوشن یادیو بھارت دی معاونت توں بغیر پاکستان وچ وکیل مقرر نہیں کر سکدا۔ عدالت کلبھوشن یادیو لئی قانونی نمائندہ مقرر کرے تاکہ عالمی عدالت انصاف دے فیصلے اُتے عملدرآمد ہو سکے۔درخواست وچ وفاق نوں بذریعہ سیکریٹری دفاع تے جج ایڈووکیٹ جنرل دے ذریعے جی ایچ کیو نوں فریق بنایا گیا اے ۔پاکستان نے انڈین نیوی دے حاضر سروس را ایجنٹ کلبھوشن یادیونوں مارچ2016نوں گرفتار کیتا سی ، را ایجنٹ اپنے اعترافی بیان وچ پاکستان اندر دہشتگر کارروائیاں دا اعتراف کر چکیا اے۔