گوجرانوالہ: سستی شیواں دی فراہمی لئی ماڈل بازار نوں سہولت بازار اندر تبدیل کر دتا گیا

گوجرانوالہ: وڈی عید توں پہلاں گوجرانوالہ وچ شہریاں نوں سستی شیواں فراہم کرن لی ماڈال بازار نوں سہولت بازار وچ تبدیل کر دتاگیا۔کریا نہ، سبزی، پھل تے گوشت دی قیمت اپنی مدد آپ دے تحت ریلیف دیون لئی 50توں ودھ اسٹال لائے گئے۔گوجرانولہ ماڈل بازار وچ50توں ودھ سہولت سٹالز سج گئے جس اندر سبزی ، پھل سمیت مٹن ، بیف تے چکن اُتے پنج توں دس روپئے فی کلو تک دی رعایت دتی جا رہی اے ۔ آٹا ، گھیو، دالاں تے چاول سمیت 30شیواں اُتے وی ریلیف دتا گیا اے ، ایسی طرح چینی70روپئے فی کلو گرام دے حساب نال فروخت کیتی جا رہی اے ، شہریاں نے سہولت سٹالز نوں چنگا آکھدیاں ہوئیاں قیمتاں نوں ہور گھٹ کرن دا مطالبہ کیتا اے ۔سہولت بازار اندر تمام شیواں دا معیار چیک کرن لئی ٹیماں متحرک نیں ۔ ماڈل بازار اندر خریداری لئی آون والے شہری دے ہتھاں نوں سینی ٹائزر کیتا جا رہیا ،تے سماجی فاصلے دی پابندی وی کیتی جا رہی اے ۔