راولپنڈی: بیوی دے آکھن تے بدبخت پُتر دا ماں اُتے تشدد

روالپنڈی : بیوی دے آکھن تے بد بخت پتر نے ماں نوں تشدد دا نشانہ بنایا ، ویڈیو وائرل ہوون تے پولیس نے ارسلان دے خلاف مقدمہ درج کر لیا۔تھانہ صادق آباد دے علاقے ڈھوک علی اکبر وچ پتر نے بیوی نال مل کے اپنی بڈھی ماں نوں تشدد تے گندیاں گالاں دیتیاں ، تشدد کرن اُتے بڈھی خاتون نے قانونی کارروائی لئی پولیس نال رابطہ کیتا مگر کسے وی کوئی گل نہ سُنی ، واقعے دی ویڈیو وائرل ہوون توں بعد پولیس نے متاثرہ خاتون دی درخواست اُتے پتر ارسلان تے اوس دی بیوی دے خلاف مقدمہ درج کر لیا ۔ اودھر وزیر اعلیٰ پنجاب نے وی ایس واقعے دا سختی نال نوٹس لے لیا تے آر پی او راولپنڈی توں رپورٹ طلب کر لئی ۔ عثمان بزدار نے ملزم دی جلد گرفتاری دا حکم دیندیاں ہوئیاں آکھیا کہ ماں ورگی عظیم ہستی اُتے تشدد کرن والے نوں جلد گرفتار کیتا جائے ، تشدد دا نشانہ بنن والی بزرگ خاتون نوں انصاف فراہم کیتا جائے ۔