وزیراعظم دا بنگلہ دیشی ہم منصب نوں فون، برادرانہ تعلقات دی مضبوطی لئی عزم دا اظہار

اسلام آباد: وزیراعظم عمران خان نے گل بات دے دوران آکھیا پاکستان باہمی اعتماد، احترام تے خود مختاری دی بنیاد تے بنگلہ دیش دے نال برادرانہ تعلقات نوں پکا کرن لئی پرعزم اے۔ وزیراعظم نے کورونا وائرس نوں پھیلن توں روکن لئی بنگلہ دیشی حکومت دے اقدامات نوں سراہیا تے آکھیا پاکستان باہمی اعتماد، احترام تے خود مختاری دی بنیاد تے بنگلہ دیش دے نال برادرانہ تعلقات نوں مضبوط کرن لئی پرعزم اے۔ وزیراعظم نے بنگلہ دیش وچ کورونا دی وجہ توں ہون والے جانی نقصان تے اظہار تعزیت کیتا تے وائرس دے کھلار تے قابو پاؤن لئی بنگلہ دیشی قیادت دے اقدامات دی تعریف کیتی۔ دوواں رہنماواں نے درپیش کئی چیلنجاں نال نبڑن لئی اپنے اپنے اقدامات تے تبادلہ خیال کیتا۔ وزیراعظم عمران خان نے اپنی سرکار ولوں زندگیاں تے روزگار بچان دے اقدامات توں آگاہ کیتا۔ وزیراعظم نے ترقی پذیر ملکاں لئی ’’قرض بارے امداد تے عالمی اقدام‘‘ بارے وی آگاہ کیتا۔ اوہناں نے بنگلہ دیش وچ حالیہ سیلاب دی وجہ توں جانی تے مالی نقصانات تے وی افسوس دا اظہار کیتا تے قدرتی آفتاں توں متاثرہ بندیاں دی جلد صحت یابی لئی دعا کیتی۔وزیراعظم نے پائیدار امن تے خوشحالی لئی علاقائی تعاون نوں ودھان لئی دوواں ملکاں دے کردار تے مشاورت کیتی۔ اوہناں نے مقبوضہ کشمیر وچ بھارت ولوں انسانی حقوق دی سنگین خلاف ورزیاں تے پاکستانی نقطہ نظر توں آگاہ کیتا۔ وزیراعظم نے بنگلہ دیشی ہم منصب شیخ حسینہ واجد نوں دورہ پاکستان دی دعوت وی دتی۔