حفاظتی تدابیر نال موتاں وچ بتدریج کمی، کورونا توں 38بندے جان توں گئے

اسلام آباد: حفاظتی تدابیر نال صورتحال بہتر، موتاں وچ بتدریج کمی آن لگی۔ کورونا ہور 38زندگیاں کھا گیا جہدے بعد موتاں دی تعداد 5ہزار 677ہو گئی۔ پاکستان وچ مہلک وائرس دے تصدیق شدہ کیساں دی تعداد 2لکھ 67ہزار 428ہو گئی۔ نیشنل کمانڈ اینڈ آپریشن سینٹر دے تازہ ترین اعدادوشمار دے مطابق پچھلے 24 گھنٹیاں دے دوران اک ہزار 332 نویںکیسز رپورٹ ہوئے، پنجاب وچ 90 ہزار 816، سندھ وچ اک لاکھ 14 ہزار 104، خیبر پختونخوا وچ 32 ہزار 523، بلوچستان وچ 11 ہزار 469، گلگت بلتستان وچ اک ہزار 878، اسلام آباد وچ 14 ہزار 701 جد کہ آزاد کشمیر وچ اک ہزار 937 کیسز رپورٹ ہوئے۔ملک بھر وچ ہن تک 17 لکھ 76 ہزار 882 بندیاں دے ٹیسٹ کیتیگئے، پچھلے24 گھنٹیاں دے دوران 18 ہزار 331 نویںٹیسٹ کیتیگئے، ہن تک 2 لکھ 10 ہزار 468 مریض صحت یاب ہوچکے نیں جد کہ اک ہزار 436 مریضاںدکی حالت تشویشناک اے۔پاکستان وچ کورونا توں اک دن وچ 38 بندے جاں بحق ہوگئے جہدے بعد وائرس نال مرن والیاں دی تعداد 5 ہزار 677 ہوگئی۔ پنجاب وچ 2 ہزار 95، سندھ وچ 2 ہزار 41، خیبر پختونخوا وچ اک ہزار 153، اسلام آباد وچ 161، بلوچستان وچ 135، گلگت بلتستان وچ 45 تے آزاد کشمیر وچ 47 مریض جان توں ہتھ دھو بیٹھے۔