1500روپئے ودھن توں بعد فی تولہ سونے دی قیمت 1لکھ 15ہزار روپئے ہو گئی

لہور: ملک وچ مسلسل کاروباری تیجے دن دے دوران فی تولہ سونے دی قمیت وچ وڈھا اضا فہ ویکھین وچ آیا ، صرافہ مارکیٹاں وچ قدر1500روپئے توں ودھ گئی ۔تفصیلات دے مطابق بین الاقوامی مارکیٹ وچ فی اونس سونے دی قیمت وچ31ڈالر دی بڑھو تری ویکھی گئی جس توں بعد عالمی منڈی وچ سونا18سو56ڈالر فی اونس ہو گیا دوجی طرف بین الاقومی مارکیٹ وچ سونے دی قمیت ودھن توں بعد ملکی صرافہ مارکیٹاں لہور، کراچی ، اسلام آباد، پشاور، کوئٹہ، فیصل آباد، سکھر، حیدر آباد، گوجرانوالہ سمیت ہور جگہاں تے وی فی تولہ سونے دی قیمت 1500روپئے ودھن توں بعد 1لکھ 15ہزار ہو گئی اودھر فی تولہ سونا دی طرح دس گرام سونے دی قیمت وی1ہزار 286روپئے دا ودھا ویکھن وچ ملیا ، جس توں بعد دس گرام سونے دی قیمت 98ہزار594روپئے ہو گئی ۔آل سندھ صرافہ جیولرز ایسوی ایشن دے صدر حاجی ہارون رشید چاند نے آکھیا کہ ایس وقت سونے دی عالمی قیمت فی اونس اٹھارہ سو ڈالر توں ودھ چکی اے ۔اوہناں آکھیا کہ موجودہ صورتحال وچ بو ہت ملکاں تے عالمی مالیاتی اداریاں دا وی سونے وچ سرمایہ کاری کرن دا امکان اے ، آون والے چند مہینیاں وچ سونے دی عالمی سطح اُتے قیمت دو ہزار ڈالر توں ودھ چکی اے تے ایس دی بنیاد اُتے پاکستان وچ وی ایس دی قیمت وچ وادھا ہوئیا گا ۔