خیبر پختونخوا دے سرکاری ہسپتالاں دی او پی ڈیز بند، لکھاں مریض علاج توں محروم

پشاور: کورونا پاروں خیبر پختونخوادے سرکاری ہسپتالاں دی او پی ڈیز پچھلے تین مہنیاں توں بند۔18لکھ دے قریب مریض علاج توں محروم نیں ۔کورونا بیماری دے دوران خیبر پختونخوا دے سرکاری ہسپتالاں دی او پی ڈیز دی بندش نال صوبے دے صرف تین وڈے ہسپتال وچ17لکھ 85ہزار توں ودھ مریض علاج توں محروم رہے۔پشاور دے تین وڈے ہسپتال لیڈی ریڈنگ، حیات آبادمیڈیکل کمپلیکس تے کے ٹی ایچ وچ او پی ڈیز بند ہوون نال 25ہزار کے لگ بھگ آپریشنز وی نہ ہوسکے ، شہریاں دا کہنا اے کہ حکومت سرکاری ہسپتالاں دی او پی ڈیز کھول کے مسائل دا توں چھٹکارا دلاون ۔لیڈی ریڈنگ ہسپتال وچ یومیہ5ہزار مریضاں دی او پی ڈی ، خیبر ٹیچنگ ہسپتال وچ روزانہ چا ہزار تے حیات آباد میڈیکل کمپلیکس وچ ساڑھے تین ہزار تک مریضاں دا علاج کیتا جاندا سی ، ایل آر ایچ حکام دا کہنا اے کہ وڈی عید توں بعد او پی ڈیز کھولن تے سوچ وچار کیتی جا رہی اے ۔حکومت ولوں ہسپتالاں نوں نوے قواعد و ضوابط دے مطابق جلد از جلد او پی ڈیز کھولن دی ہدایات وی جاری کیتی جا چکی اے لیکن ایس حوالے نال اجے تک کوئی عمل درآمد نہیں ہوئیا ۔