پشاور : خیبر پختونخوا وچ بلین ٹری سونامی وچ بے قاعدگیاں ساہمنے آ گیاں

پشاور: خیبر پختونخوا وچ بلین ٹری سونامی وچ بے قاعدگیاں ساہمنے آ گیاں ، مختلف ضلع وچ مطلوبہ تعدادوچ پودے نہیں لائے گئے ، محکمہ جنگلات نے کارروائی کردیاں ہوئیاں 35ملازماں نوں معطل کر دتا ۔محکمہ جنگلات دے چیف کنز رویٹو آفیسر دے مطابق صوبہ بھر وچ غیر قانونی درختاں دی کٹائی روکن لئی خصوصی اقدامات اٹھائے جا رہے نیں ، پچھلے دو مہینے دے دوران عوامی شکایتاں اُتے نو ٹس لیندیاں ہوئیاں نہ صرف کئی لوکاں نوں بھاری جرمانے کیتے گئے بلکہ محکمہ دے اندر موجود کالی بھیڈاں دے خلاف کارروائی کر دیاں ہوئیاں 35ملازماں نوں معطل کیتا جا چکیا اے ۔محکمہ جنگلات دی کارکردگی اپنی جگہ لیکن پشاور دے شہریاں نے آکھیا کہ جد تک وڈیاں مچھلیاں اُتے ہتھ نہیں پایا جائے گا درختاں دی غیر قانونی کٹائی نوں روکیا نہیں جا سکداا۔ محکمہ نوں ہور زیادہ سخت اقدام کرنے پین گے ۔