120نویاں احتسابی عدالتاں قائم کرن وچ مالی تے قانونی مشکلاں درپیش نیں ،

اسلا م آباد: ملک وچ120نویاں عدالتاں قائم کرن دے حوالے نال وزارت قانون نے مالی تے قانونی بے بسی دا اظہار کر دتا ۔ سپریم کورٹ وچ جمع کرائے گئے جواب اندر آکھیا گیا کہ نویاں عدالتاں لئی سالانہ2ارب 86کروڑ روپئے دے ضرورت ہوئے گی ۔وزارت قانون نے120نویاں عدالتاں نوں بناون بارے سپریم کورٹ دے حکم اُتے اپنا جواب دتا کہ نویاں عدالتاں بنوان لئی مالی مشکلاں دا ساہمنا اے ، عدالتاں دے قیام توں بعد 2ارب 86کروڑ روپئے دے بجٹ دے ضرورت اے ۔ جس لئی مشوریاں دا عمل شروع کر دیا گیا اے لیکن 129نشستاں دی وزارت خزانہ تے اسٹبلشمنٹ ڈویژن توں اجازت لینی پئے گی ، بجٹ وی وزارت خزانہ توں منظور کرانا ہوئے گا ۔ 5 احتسابی عدالتاں وچ ججاں دی خالی آسامیاں اُتے کرن لئی سمریاں ارسال کر دتی گئی ۔