حفاظتی تدابیر نال موتاں گھٹ گیاں ، کورونا پاروں 32مریض اللہ نوں پیارے ہو گئے

اسلام آباد : حفاظتی تدبیراں اپناون نوں بعد موتاں گھٹ گیاں ، کورونا ہور 32زندگیاں نگل گیا ، جس توں بعد موتاں دی تعداد 5ہزار709ہو گئی ، پاکستان وچ مہلک وائرس دے تصدیق شدہ مریضاں دی تعداد2لکھ 69ہزار 191ہو گئی۔نیشنل کمانڈ اینڈ آپریشن دی تازہ رپورٹ دے مطابق پچھلے24گھنٹے دے دوران1ہزار783نویں مریض ساہمنے آئے ، پنجاب وچ91ہزار 129، سندھ وچ1لکھ 15 ہزار 213، خیبر پختونخواوچ 32 ہزار 753، بلوچستان وچ11 ہزار 517، گلگت بلتستان وچ1 ہزار 896، اسلام آبادوچ 14 ہزار 722 جدکہ آزاد کشمیر وچ ایک ہزار 961 مریض ساہمنے آئے ۔پورے ملک وچ ہن تک 17لکھ 99ہزار 290مریضان دے ٹیسٹ کیتے گئے ، پچھلے24گھنٹے دے دوران 22ہزار408نویں ٹیسٹ کیتے گئے ، ہن تک2لکھ13ہزار 175مریض صحت یاب ہو چکے نیں جد کہ 1ہزار 382مریضاںدی حالت بوہت خراب اے ۔پاکستان وچ کورونا نال اک دن اندر32مریض اللہ نوں پیارے ہو گئے ، جس توں بعد وائرس نال مرن والیاں دی تعداد5ہزار709ہو گئی ، پنجاب وچ2ہزار100، سندھ وچ2ہزار60، خیبر پختونخوا وچ1ہزار158,، اسلام آباد وچ162،بلوچستان وچ136، گلگت بلتستان وچ45تے آزاد کشمیر وچ48مریض اپنی جان توں ہتھ دھو بیٹھے۔