توہین عدالت دے مرتکب آغا افتخار الدین مرزا دا صحت جرم توں انکار

اسلام آباد: توہین عدالت دے مرتکب آغا افتخار الدین مرزا نے صحت جرم توں انکار کر دتا۔ چیف جسٹس آف پاکستان نے ریمارکس دتے اک ویڈیو وچ 4قوانین پامال کیتے گئے نیں تے ہر ادارہ حرکت وچ آئے گا۔ ہر ادارہ مروجہ طریقے نال اپنے قنون دا اطلاق کرے گا۔ چیف جسٹس دی سربراہی وچ تن رکنی بنچ نے عدلیہ مخالف ویڈیو جاری کرن بارے کیس دی سماعت کیتی۔ آغا افتخار نے صحت جرم توں انکار کردیاں ٹرائل کورٹ دے فیصلے تک سپریم کورٹ دی کاروائی روکن دی استدعا کیتی۔ جسٹس اعجاز الاحسن نے ریمارکس دتے سپریم کورٹ وچ مقدمہ صرف توہین عدالت دا اے۔ معافی نامیاں دے باوجود صھت جرم توں انکاری نیں تے تہاڈی مرضی۔ آغا افتخار دے وکیل نے اک ای ویڈیو دی بنیاد تے 2مقدمات بنن تے اعتراض کیتا تے چیف جسٹس نے ریمارکس دتے اک ویڈیو وچ چار قوانین پامال کیتے تے ہر ادارہ حرکت وچ آئے گا۔ ٹرائل کورٹ اپنے شواہد تے فیصلہ کرے گی۔ جسٹس اعجاز الاحسن آکھیا سائبر کرائم تے دہشت گردی دے قوانین دا توہین عدالت نال تعلق نہیں۔ ہر جرم دے ٹرائل دا طریقہ، شواہد تے سزا وکھری ہوندی اے۔ عدالت نے سماعت 3ہفتے لئی ملتوی کر دتی۔