کورونا پوری دُنیا وچ 24 کروڑ بندے بیروزگار ہو ن دا خدشہ : ایشیائی ترقیاتی بینک

اسلام آباد ( بھلیکھا ٹی وی ) ایشیائی ترقیاتی بینک نے آکھیا کہ کورونا پاروں آون والے 6مہینے دے دوران پوری دُنیا وچ24کروڑ بندے بیروز گار ہو سکدے نیں ۔ایشیائی ترقیاتی بینک ولوں کورونا نال معاشی نقصان دے حوالے نال جاری کردہ اک رپورٹ وچ آکھیا گیا کہ کورونا پاروں 3مہینے وچ5ہزار 800ارب ڈالر دے نقصان ہوون دا اندیشہ اے ، اگر ایہ ای حالات 6مہینے تک رہے تے نقصان 8ہزار 800ارب ڈالر تک پہنچ سکدا اے جس دے باعث عالمی سطح اُتے معاشی ترقی دی شرح 9.7فیصد تک متاثر ہو سکدی اے ۔ جد کہ عالمی معاشی سرگرمیاں متاثر ہوون وچ ایشیا دا حصہ 30فیصد ہوئے گا ۔اے ڈی بی دے مطابق عالمی سطح اُتے پیدوار1700ارب ڈالر توں 2500ارب ڈالر تک متا ثر ہو سکدی اے ، جد کہ عالمی سطح اُتے15توں24کروڑ بندے بے روز گار ہو سکدے نیں ، جد کہ صرف ایشیاوچ10توں16کروڑ بندے بے روزگار ہو سکدے نیں ، اگرحالات کنٹرول وچ نہ ہوئے تے 6مہینے وچ5کروڑ توں ودھ بندے غریب دے لکیر تھلے چلے جاون گے ، ایس حالات وچ عام آدمی تے صنعت کاراں نوں حکومت دی مدد دی اشدضرورت ہوئے گی ۔