کامیاب حج سعودی سرکار دا عمرے توں پابندی ہٹاون لئی غور

الریاض ( بھلیکھا ٹی وی ) سعودی سرکار نے کامیاب حج ہوون توں بعد عمرے توں پابندی ہٹاون لئی سوچ وچار شروع کر دتی ۔تفصیلات دے مطابق :کورونا دی وجہ نال ایس سال فروری وچ سعودی سرکارنے باہر دے ملک توں عمرے لئی آون والے بندیاں نوں ملک وچ آون لئی پابندی لائی ہوئی سی۔لیکن حکومت نے مارچ دے آغاز وچ سارے بیرونی تے اندرونی زائرین اُتے پابندی لاون دا اعلان کیتا سی۔سعودی سرکار نے مارچ وچ عمرے اُتے پابندی لائوندیاں ہوئیاں ساریاں مسجداں تے پاک مقامات نوں وی بند کر دتا سی تے مسجدیاں تقریباََ اڑھائی مہینے تک بند رہیاں سن ۔سعودی عرب نے رمضان دے مہینے وچ کجھ نرمیاں کر دیاں ہوئیاں مسجداں نوں کجھ نمازیاں لئی کھول دتا سی ، تا ہم چھوٹی عید توں بعد اک وار فیر مساجداں نوں بند کر دتا سی لیکبعد ازاں مسجداں نوں کھول دتا گیاسی کورونا دے مریضاں اندر کمی دے باوجود سعودی سرکار نے حفاظتی اقدامات کر دیاں ہو ئیاں حج نوں محدود رکھیاتے کسے وی باہر دے ملک توں بندیاں نوں اجازت نہیں دتی گئی سی ۔ایس دفعہ فریضہ حج لئی سعودی سرکار نے حکومت نے صرف 1000عازمین حج دا انتخاب کیتا تے عازمین سعودی عرب دے رہائشی سن ۔