لاڈلے نے دیس نوں مسئلیاں نال دوچار کر دتا، سمجھوتہ نہیں کراں گے: فضل الرحمان

ڈیرہ اسماعیل خان(بھلیکھا ٹی وی )جمعیت علمائے اسلام دے سربراہ مولانا فضل الرحمان آکھیا اے نااہل لاڈلے تے اوہدی نااہل ٹیم نے پاکستان نوں جہڑے داخلی و خارجہ مسئلیاں نال دوچار کیتا اے ایہناں توں محب وطن حلقیاں دی تشویش وچ وادھا ہو رہیا اے۔ عید دے موقع تے جماعت دے عہدیداراں نال گل کردیاں مولانا فضل الرحمان آکھیا جمعیت علمائے اسلام اپنے اسلاف دے نقش قدم تے چلدیاں اپنے منشور دے مطابق پالیسیاں تے عمل پیرا اے، اسیں کسے مفادات تے دباء نوں مدنظر رکھ کے طے شدہ حکمت عملی تے سمجھوتہ کرن دی سیاست دے قائل نہیں، دیس تے مسلط کیتی حکومت عوامی مینڈیٹ دی حامل ای نہیں اے۔ جہڑے مذموم مقاصد دی تکمیل لئی لاڈلے نوں مسلط کیتا گیا سی ہن صورتحال ایہناں مذموم مقاصد توں کدھرے اگے نکل چکی اے۔ اوہناں آکھیا آزادی مارچ دے ثمرات دی بدولت اج وی پاکستان تے جمہوریت دشمن قوتاں جمعیت علمائے اسلام توں خائف نیں۔