کشمیر دا مسئلہ قرارداداں تے 2منٹ دی خاموشی نال حل نہیں ہووے گا: سراج الحق

لہور( بھلیکھا ٹی وی ) جماعت اسلامی دے امیر سینیٹر سراج الھق نے مسئلہ کشمیر تے حکومتی پالیسیاں نوں تنقید دا نشانہ بناندیاں آکھیا اے سرکار ایس اہم معاملے تے واضح پالیسی دا اعلان کرے۔ سراج الحق نے اپنے بیان وچ آکھیا اے تحریک آزادی لئی کشمیری قیادت تے عوام دی قربانیاں تے سلام پیش کرنے آں۔ مقبوضہ کشمیر تے قبضہ کشمیر اُتے نہیں، اسلام آباد تے کراچی اُتے حملہ اے۔ اوہناں دا کہنا سی سرکار دے کاسمیٹکس اقدامات تے کشمیر ہائی وے دے ناں دی تبدیلی نوں رد کرنے آں۔ کشمیری قیادت وی سرکار دے ایس اقدام نوں رد کردی اے۔ اوہناں نے مطالبہ کیتا سرکار کشمیر اُتے واضح پالیسی دا اعلان کرے۔ ہندوستان دے فضائی آپریشن نوں بحال کرن دا اجازت نامہ معطل کیتا جائے۔ سراج الحق دا کہنا سی سرکار کوئی پالیسی مقبوضہ کشمیر تے آزاد کشمیر دی قیادت دی مشاورت دے بغیر وضع نہ کرے تے عالمی سطح تے کشمیر دا مسئلہ ہر فورم تے چُکے۔