آصف زرداری تے شریف خاندان دی کوئی سیاست نہیں : شیخ رشید

لہور( بھلیکھا ٹی وی ) شیخ رشید نے آکھیا کہ آصف زرداری تے شریف خاندان دی کوئی سیاست نہیں ، اوہناں آکھیا کہ دوناں نوں بلایا جائے گا ، میں نہیں مندا کے پی ٹی آئی داکوئی وزیرکرپشن کرے گا ۔
وفاقی وزیر ریلوے شیخ رشید نے پریس کانفرنس دے دوران آکھیا کہ نیب کئی لوکاں نوں بلا کے چھڈ وی دیندی اے ۔ کرپشن اک سنجیدہ جُرم اے ، ایس اُتے کوئی رعایت نہیں ہونی چاہیدی ، اوہنا ں آکھیا کہ ریلوے وچ ترقی لئی کم کیتے جا رہیے نیں ، شیخ رشید نے ہور آکھیا کہ چینی صدر ایم ایل ون دا سنگ بیناد رکھن ۔ ایم ایل ون دی معیشت اُتے بہترین اثرات مرتب ہوون گے ، 16اگست توں ہور10ٹریناں چلاواں گے ۔