کراچی وچ نالیاں دی صفائی دا کم80فیصد توں ودھ مکمل کر لتا گیا اے : ترجمان سندھ

کراچی ( بھلیکھا ٹی وی ) ترجمان سندھ حکومت بیر سٹر مرتضیٰ وہاب نے آکھیا کہ ایم سی او ڈی ایم سیز دے تحت نالیاں دی صفائی دا کم80فیصد توں ودھ مکمل کر لیتا گیا اے ، لیکن ایہ کم ہن مستقل بنیاداں اُتے جاری رہنا چاہیدا اے ۔اپنے بیان وچ اوہناں نے آکھیا کہ وزیر اعلیٰ سندھ مرادعلی شاہ نے بروقت اقدامات کر کے موجودہ بارشاں دے دوران برساتی پانی دی نکاسی دا جلدی تے درست حل کیتا اے
کابینہ ارکان تے بلدیاتی عملہ دن رات سڑکاں ، گلیاں تے محلیاں اُتے موجود ہے ساڈا ہدف صرف ساریاں نالیاں دی مکمل صفائی اے تا کہ شہریاں نوں کوئی پریشانی نہ ہوئے ۔ بیرسٹر مرتضیٰ وہاب نے آکھیا کہ بارشاں توں بعد نالیاں توں تجاوزات نوں ختم کرنا اے ایس نال کراچی دے شہریاں نوں مستقل بنیاداں اُتے مشکلاں توں نجات ملے گی ، تے بارشاں دے دوران نالے اوور فلو نہیں ہوون گے ، سندھ حکومت دے رہن والیاں دی سب مشکلاں دور ہوون گیاں ۔