حالات دن بدن ٹھیک ہوون لگ پئے : کورونا نال موتاں گھٹ گئیاں

اسلام آباد ( بھلیکھا ٹی وی ) کورونا دا زور ٹُٹ گیا ، تے موتاں گھٹن لگ گئیاں ، مہلک وائرس نے14 افراد دی جان لے لئی ، جس توں بعد موتاں دی تعداد 6ہزار68ہو گئی ، پاکستان وچ کورونا دے تصدیق شدہ مریضاں دی تعداد 2لکھ 83ہزار 487ہو گئی ۔نیشنل کمانڈ اینڈ آپریشن سینٹر دی تازہ رپورٹ دے مطابق پچھلے 24گھنٹے دے دوران 842نویں مریض ساہمنے آئے ،پنجاب وچ 94 ہزار 223، سندھ وچ1لکھ 23 ہزار 246، خیبر پختونخوا وچ 34 ہزار 539، بلوچستان وچ 11 ہزار 835، گلگت بلتستان وچ 2 ہزار 301، اسلام آباد وچ 15 ہزار 214 جد کہ آزاد کشمیر وچ 2 ہزار 129 مریض ساہمنے آئے ۔ملک بھروچ ہن تک21لکھ 3 ہزار 699 افراددے ٹیسٹ کیتے گئے ۔پچھلے 24گھنٹے دے دوران 24 ہزار 366 نویں ٹیسٹ کیتے گئے ،ہن تک 2لکھ59ہزار604مریض صحتیاب ہو چکے نہیں جد کہ801مریضاں دی حالت تشویشناک اے ۔