مسجد وچ شوٹنگ ، منیجر اوقاف معطل تے اداکاراں دی معافی

لہور ( بھلیکھا ٹی وی ) سیکرٹری اوقاف نے مسجد وزیر خان اندر گانے دی شوٹنگ اُتے منیجر اشتیاق احمد نوں معطل کر دتا ۔ایس حوالے نال جاری نو ٹیفکیشن وچ آکھیا گیا کہ منیجر نے اپنے کم وچ غفلت ورتی اے جس اُتے اوس نوں معطل کیتا جا رہیا اے ۔دُجے پاسے گلوکار بلال سعید تے اداکارہ صبا قمر نے وضاحت کر دئیاں آکھیا کہ لوکاں دی دل آزادی ہوون اُتے معافی منگدے آں ، سماجی رابطے دی اک ویب سائٹ اُتے اداکارہ صبا قمر نے آکھیا کہ شوٹنگ دے دوران مسجد دی انتظامیہ وی موجود سی تے اوہ سارے گواہ نے کہ اوتھے کسی وی قسم دا میوزک نہیں چلایا گیا ۔