بیروت وچ مظاہرے جاری۔ 2وزیراں سمیت5ارکان اسمبلی نے استعفیٰ دے دتا

بیروت( بھلیکھا ٹی وی ) لبنان دے دارلحکومت بیروت وچ دھماکیاں توں بعد حکمراناں دے خلاف مظاہرے دُجے دن وی جاری جد کہ ماحولیات تے اطلاعات دے دو وزیراں سمیت ہور5ارکان اسمبلی نے استعفیٰ دے دتا ۔اتوار والے دن ہزاراں مظاہریناں نے انقلاب تے انتقام دے نعرے لائے ، مظاہرین نے پارلیمنٹ ول جاون والے رستے بند کر کے فوج اُتے شدید پتھرائو کیتا ، تے وزارت پبلک ورکس ، ٹرانسپورٹاں دے دفتر وچ داخل ہو کے توڑ پھوٹ تے اگ لائی۔