وزیر اعظم دے 16مشیراں دی تقرریاں دے خلاف درخواستاں سماعت لئی منظور

لہور( بھلیکھا ٹی وی ) لہور ہائیکورٹ نے وزیراعظم دے 16مشیراں دی تقرریاں دے خلاف درخواستاں سماعت لئی منظور کر لیاں۔چیف جسٹس لہور ہائی کورٹ جسٹس محمد قاسم خان نے ایڈووکیٹ ندیم سرور دی درخواست اُتے سماعت کیتی جس وچ مشیراں دی تقرری تے معاونین دی تعیناتی نوں چیلنج کیتا گیا ، درخواست گزار دے وکیل نے دلائل دتے کہ آئین دے آرٹیکل 2اے دے تحت غیر منتخب شخص ریاست دے اختیارات دا استعمال نہیں کر سکدا جد کہ دوہری شہریت دے حامل وزیر اعظم دے مشیران کاص ریاست پاکستان لئی سیکیورٹی رسک نیں ، لہذا مشیراں نوں عہدیاں توں ہٹاکے کم توں روکیا جائے
چیف جسٹس قاسم خان نے وفاقی حکومت، عبدالحفیظ شیخ، عبدالرزاق داد، امین اسلم اور ڈاکٹر عشرت حسین، ڈاکٹر بابر اعوان، محمد شہزاد ارباب، مرزا شہزاد اکبر اور سید شہزاد قاسم، ڈاکٹر ظفر مرزا، معید یوسف، زلفی بخاری اور ندیم بابر نوں نوٹسز جاری کر دتے۔