عثمان بزدار دے زیر استعمال ہیلی کاپٹر دی انشورنس دے 2کروڑ 61لکھ روپے منظور

لہور: پنجاب سرکار نے 20.19.2018دی انشورنس دی مد وچ ایہ فنڈز انشورنس کمپنی نوں ادا کرنے نیں۔ پنجاب حکومت نے وزیراعلیٰ پنجاب عثمان بزدار دے زیر استعمال ہیلی کاپٹر دی انشورنس فیس دے اجرا دی منظوری دے دتی اے۔ حکومتی ذرائع دے مطابق فنڈز دی ادائیگی لئی معاملہ کابینہ نوں وی گھلیا گیا جہنے منظوری دے دتی اے ، ہیلی کاپٹر دی انشورنس دی مد وچ واجب الادا رقم دی منظوری صوبائی وزیر خزانہ ہاشم جواں بخت دی سربراہی وچ ہون والی فنانس کیبنٹ میٹنگ وچ دتی گئی۔ حکومتی ذرائع دا کہنا اے ایم ایس نیشنل انشورنس کمپنی نے ہیلی کاپٹر دی 19,2018تے 2020دی انشورنس دی مد وچ واجب الادا دو کروڑ 61لکھ روپے دے فنڈز جاری کرن لئی خط لکھیا سی۔ کمپنی نے پنجاب حکومت توں ہیلی کاپٹر دی انشورنس دی مد وچ واجب الادا فنڈز جاری کرن دا آکھیا سی۔