چمن وچ بم دھماکے نال 5بندے جاں بحق، کئی زخمی

چمن: مال روڈ تے بمب دھماکے نال 5بندے جاں بحق جد کہ 10بندے زخمی ہو گئے۔ چمن دے علاقے مال روڈ تے دھماکے دے تنیجے وچ کئی بندے جاں بحق تے زخمی ہو گئے، امدادی رضا کاراں، سکیورٹی فورسز تے مقامی بندیاں نے لاشاں تے زخمیاں نوں سول ہسپتال منتقل کر دتا جتھے طبی عملے نے 5بندیاں دے جاں بھق ہون دی تصدیق کر دتی جد کہ شدید زخمیاں نوں کوائٹہ منتقل کر دتا گیا اے۔ مقامی حکام دا کہنا اے بارودی مواد اک موٹرسائیکل وچ نصب سی، دھماکا ایس قدر شدید سی کہ قریب موجود گڈیاں دے علاوہ قریبی عمارتاں دے شیشے وی ٹُٹ گئے۔ دہشت گرداں دا ہدف اینٹی نارکوٹکس فورس دی گڈی وچ بیٹھے اعلیٰ افسران سن۔ پلس تے لیویز فورس نے متاثرہ علاقے نوں گھیرے وچ لے لیا۔ وفاقی وزیر داخلہ اعجاز شاہ نے چمن دھماکے دی شدید الفاظ وچ مذمت کردیاں آکھیا ایس طرح دے واقعات عوام وچ خوف و ہراس پھیلان دی کوشش اے، شرپسند عناصر نوں ہرگز کامیاب نہیں ہون دیواں گے۔