خراب صورت حال دے پیش نظر مریم نواز دی پیشی منسوخ

لہور( بھلیکھا ٹی وی ) رائے ونڈ 180ایکٹر اراضی دے کیس وچ صورت حال کشیدہ ہوون تے مریم نواز دی نیب اندر پیشی منسوخ کر دتی گئی ، پتھر لگن نال لیگی رہنما دی گڈی دا شیشہ ٹُٹ گیا
ایس موقع اُتے مریم نواز نے آکھیا کہ حوصلہ رکھو، اگر اتنا ڈردے او تے بلاندے کیوں جے ، میں نیب دے باہر کھڑی آں ہن واپس نہیںجاواں گی
مریم نواز نے آکھیا کہ میں جھوٹے الزام دا جواب دیون آئی واں، تے ہن میری گل سُنی جائے ، بغیر جواب دتے واپس نہیں جاواں گی ، دروازہ کھولو
وزیر اعلیٰ پنجاب نے نیب آفس اُتے پتھرائو تے ہنگامہ آرائی دے واقعہ دا نوٹس لے لیا ، عثمان بزدار نے چیف سیکرٹری پنجاب تے انسپکٹر جنرل پولیس توں رپورٹ منگ لئی
نیب ولوں ہنگامہ آرائی تے پتھرائو کرن والیاں اُتے مقدمہ درج ہو ئے گا ، ، مریم نواز ، لیگی رہنما تے کارکناں اُتے مقدمہ درج ہو ئے گا ۔